Baked ham
Энд ирээд харж байхад айлууд талархалын баяраараа цацагт хяруулаа жигнэж харин зул сарын баяраар утсан гахайн мах жигнээд л зочидоо дайлдаг юм билээ. Мэдээж хажууд нь төрөл бүрийн хольц, жимс ногоо , амттан гэх мэт зүйл байдаг л даа. Миний амьдарч байсан айлууд л яг адил л хийдэг байсан юм. Ингээд зул сарын баяр дөхөж байгаа учраас энэ удаад утсан гахайн гуя мах жигнэх тухай оруулья гэж бодлоо.
Орц.
Нэг бүтэн гахайн утсан мах ( Smoked ham)
1 лааз хан боргоцой жимс
8 ширхэг тоор жимс
1,5 аяга бор элсэн чихэр
5 х.халбага зөгийн бал
ХИЙХ. Цахилгаан зуухаа 350 F- дээр халаана. Гахайн утсан махаа хавтгай шилэн жигнэх савандаа хавтгай талаар тавиад дээгүүр нь мөнгөлөг цаасаар бүрээд 1 цаг жингэнэ.
Жигнэж байх хооронд гахайн махаа амт оруулах мөн хүрэн өнгөтэй болгох хольцоо бэлтгэнэ. Элсэн чихэр, зөгийн бал, хан боргоцойн шүүснээсээ бага зэрэг хийгээд элсэн чихэрээ уустал сайн хутгана. Элсэн чихэр уусаад өтгөрсний дараа хан боргоцой,тоороо нэмээд хутгаад бэлтгэнэ.
Гахайн махаа нэг цаг жигнэсэний гаргаад бэлтгэсэн өтгөн холимогоо гадуур нь эргэн тойрон сайн түрхэж өгөөд үлдсэн бүх холимогоо савандаа хийгээд дахин цахилгаан зуухандаа 1 цаг нэмж жигнэнэ. Энэ удаад мөнгөлөг цаасаар бүрэхгүй жигнэнэ. Жигнэж байх хугацаанд хоер удаа зуурмагаа эргэн тойрон түрхэнэ.
Ингээд гаргаад хэсэг хөргөөд том тавганд гаргаад нимгэн зүсээд идэх хэмжээгээрээ таваглана.
Тавтай зооглоорой.
Сэтгэгдэлүүд:
ene sm.ham ch yanztai haragdaj baina daa, room baisan boo,idmeer l baina.
ingehed manai harin yag oorsdoo ingej beled ideegui yum baina shuu, daraa hiilgene ee.
Ирж буй шинэ оны мэндийг хүргэж, эрүүл энх, аз жаргал, сайн сайхан бүхнийг хүсье. Ирэх онд гал тогоо тань амттан, тэргүүтнээр улам их дүүрэн байж зочдын тоо тань өнөр болтугай гэж ерөөе.
Шинэ оныхоо баярыг сайхан тэмдэглээрэй Марта, баярлалаа.
асуулт асуусан зочинд: 350F нь 180C шүү.
Шинэ ондоо эрүүл энх, аз жаргалтай байхыг хүсье ээ.
Сэтгэгдэл үлдээх: