Martha's Kitchen

Орц. 

2-3 ширхэг дарсан өргөст хэмх

6-8 зүсэм утсан мах  (pastrami)

1/2 aяга майонэз ба цөцгий

4 ширхэг хар чидун жимс (olive)

1 багц шинэ цагаан лууван  (radish), саладны байцаа,

ХИЙХ ДАРААЛАЛ.  Өргөст хэмхээ уртын дагуу зүсээд 6 хэсэг болгоно.  Утсан махаа хүнсний дэлгүүрийн жижиглэн худалдаалдаг хэсэгт өөрийн сонгосон хэмжээгээрээ хэлээд зүсүүлээд авахад болно. Ойролцоогоор 3 мм зузаан, 12x18 см гэсэн харьцаагаар зүсүүлж авсан.  Хар чидун жимсээ жижиглэн хэрчинэ,  цагаан луувангаа угаагаад дундуур нь хуваана.  Майонэзаа цөцгийтэйгээ холиод хутгана. Ингээд бүгдийг бэлтгээд ороомог хийхэд бэлэн болгоно. 

Одоо утсан махан дээрээ майонэзаа эхэлж жигд түрхэж тараагаад хар жимсээ бага зэрэг цацаад  дээр өргөст хэмхээ нэг захад нь тавиад орооно. 

Ороомогныхоо төгсгөлийг тогтоохын тулд цагаан лууван хатгасан модны үзүүрээр ороомогоо хатгаж тогтооно.  Мөн ороомогоо хоёр хэсэг хувааж арай бага хэмжээтэй хийж болно.

Одоо саладны байцаагаа тавганд тавиад утсан махтай өргөст хэмхний ороомогоо дээр нь тавина.

Тавтай зооглоорой.